冕聯賽錦標些路迪，本輪蘇超壓軸登場造訪登地聯。呢支班霸開鑼戰係就係贏得險，不過今晚對住後防如同紙紮登地聯，絕對有權炒鑊甘，「讓球客勝」2.55倍可以放心捧場！（now825台及無收費電視25台周日晚9:00直播）
些路迪對賽往績佔先
聯賽首戰些路迪只係憑一記十二碼小勝聖美倫，預期熱身賽有出色演出森馬拉斯會復任正選，拍住希斯寧基同史葛麥當奴攻堅。就算日本國腳中村俊輔仲養緊傷，好在巴利笠臣能傳擅射，有佢同赫特利負責「派牌」，真係唔使替些路迪鋒線擔心喎。
雖然話登地聯有地利，但睇番佢開鑼戰輸一比三表現，條後防真係危過危地馬拉，連咸美頓都入到佢三粒，今晚又點頂得住些路迪攻勢先？再講，些路迪對上六次造訪登地聯贏五次，首戰咁失威贏得一球今晚仲唔大屠殺彩咩！
