冕英超錦標曼聯今晚會面對紐卡素，雙方近年交手都幾一面倒，以喜鵲季前熱身賽差劣表現，今晚造訪奧脫福想全身而退都幾難，「孖膽」頭關一於由紅魔鬼贏波方向埋手，半場敲1:0、2:0，全場要2:0、3:0、3:1。
紐卡素上季聯賽失成六十五球，六場季前熱身賽場場有失波，就算買入阿根廷中堅高洛仙尼，睇怕都唔能夠即刻改善脆弱防線。雖然曼聯有C朗缺陣，不過有泰維斯坐鎮，鋒力依然信得過。最重要係兩軍對上六次交手曼聯贏五次，次次贏兩球或以上不特止，當中仲要有三次開出2:0，呢個大熱波膽值得留意。
皇馬未弗難贏華倫
次關西班牙超級盃首回合賽事，華倫對上五次主場都贏唔到皇馬，而「銀河艦隊」熱身賽表現亦係一般，相信和波機會都幾大，半場揀0:0、1:0，全場0:0、1:1、2:2。
