經過五場不勝低潮後，紐約紅牛終上輪擊敗華盛頓聯隊，重上勝軌。今晚佢迎戰實力一般東岸球隊FC多倫多，應該有力再下一城，呢個2.9倍「主主」值博！
雖則話紅牛七月一場都未贏過，但一踏入八月就即時轉運，以四比一大炒華盛頓聯隊，王牌射手仲安祖梅開二度，信心番晒。呢位哥倫比亞鋒將今季入六粒，其中有四球係主場取得，證明佢係一條「地頭龍」，家陣佢腳風順番晒。應該唔難上半場領先對手。
FC多倫多作客奇差
反觀FC多倫多，近五場作客輸四場，仲要四次上半場都係食白果，最後下半場入番一粒咁大把，加上後泰朗馬素爾同漢明又好大機會因傷唔出得，後防有隱憂下更易畀人攻破大門，今場作客紐約紅牛，唔想由頭輸到尾都幾難。
半全場推介
紐約紅牛
主主
