歐洲各大聯賽又開鑼啦！我當然會繼續畀好料大家，還望各位多多支持！廢話少講，今次半全場推介就搵場英冠打頭炮，由屈福特主場大戰查爾頓。查爾頓近幾季對住屈福特都有唔錯表現，加上屈福特早前熱身賽表現一般，近三場比賽只錄得二負一和成績，今場客軍絕對有力取三分而回，「客客」當然冇問題！
屈福特冇主場威力
用「托弗」形容查爾頓一都唔過分，佢早前六場作客熱身賽全部贏晒，當中加埋仲有十七個入球，攻擊力實在驚人，其中更有兩場半場就已經以三比○領先對手，對住主場都唔識發威屈福特，上半場入波領先再帶到尾又有乜出奇。
話屈福特係「主場蟲」，原因係佢上季聯賽二十三次主場比賽只贏得八場，尤其係最尾三場，明知要爭升班，夠膽死全輸兼食白果。更重要係球隊近三季五次對住查爾頓，一次都贏唔到，睇個勢今場都要由頭輸到尾喇！
半全場推介
查爾頓
客客
