英格蘭超級聯賽今晚開鑼，象徵住歐洲新球季全面展開，不過今次打頭陣「蜂后三串一」就揀上周已經開鑼英甲做重心，畢竟有一輪比賽作參考，周中又有英聯盃睇辦，根據點都大。今晚重點係作客兩連勝列斯聯，今鋪返到主場，唔難再下一城擊敗奧咸，1.6倍主W勁抵玩。（開賽時間：周六晚10:00）
英甲擺明超班列斯聯，上季初就曾經九戰八勝，今季開季表現亦相當對辦，作客兩連勝仲入七球，睇又有機會充當急先鋒。對手奧咸開鑼戰雖然都旗開得勝，但就失三球，防守未算穩健，今仗造訪鋒力十足列斯聯相當惡打。
聖日耳門開齋未係時候
繼周中英聯盃之後，史托港同李斯特城今晚又再次碰頭，三日前李斯特城主場只係小勝史托港一球，今次作客仲要讓波本來就唔多抵玩，但上仗李城只係半力出擊，比起開鑼戰作出七個調動，咁都贏到證明實力何止高一皮，今次作客讓平半，上盤唔怕追寶尾。（開賽時間：周六晚10:00）
法甲方面，季前動作多多巴黎聖日耳門自然成為追捧對象，但新兵古利同馬基列尼仍然養傷，上季又試過主場十戰都W唔到，今晚主場似乎都未係開齋之時，波爾多季前捧走法冠盃，開鑼戰又順利擊敗卡昂，睇佢必會趁歐聯開戰之前，於聯賽及早搶分，受讓平半值得捧場。（開賽時間：周日凌晨3:00）
