萬眾矚目英超今晚開鑼，不過唔好唔記得英冠都有連場激戰喎，其中Mandy就最鍾意伯明翰，睇好佢作客可以贏修咸頓晒三分！
修咸頓冇錢擴軍
冇見一排，大家覺唔覺Mandy靚又索呢？我自己就覺啦！哈哈！點解？因為呢排突然多好多人追，煩死人啦！Mandy揀男朋友講心唔講金，有冇錢唔緊要，最緊要錫我。不過講到波，如果一間球會冇錢話都幾濕滯，好似修咸頓咁，領隊換完一個又一個，上季爭搞到降班，今個夏天又冇錢擴軍，新季條路肯定難行。
對手伯明翰既有麥法頓同施巴斯坦拿臣留隊，又簽入菲臘斯同賓特呢有英超經驗球星，淨係計人腳都贏修咸頓幾條街，今晚小讓平半，Mandy梗係要「上盤」啦！
