利物浦陣中粒粒皆星，但周中歐聯外圍賽就爭輸畀標準列治，海鮮波味道依舊揮之不去。反觀「黑貓」今夏大灑金錢擴軍，開鑼戰主場出擊有權令紅軍失分，呢場「孖膽」次關一於博半場0:0、1:1，全場1:1、2:2。
季前以一千九百萬鎊轉投利記羅比堅尼，為球隊上陣六場仲未開到齋，明顯同班隊友未夾熟。加上傷愈謝拉特狀態只係一般，造訪光明球場充滿隱憂。相反馬白蘭基、迪奧夫呢兩位新「黑貓」季前熱身賽表現對辦，有佢兩個策動攻勢，要利記後防搵數唔係冇可能，有波入和局機會甚高，全場1:1、2:2最似樣。
布城小勝「綿羊」
至於頭關英冠賽事，牌面上冇錯係客軍打比郡高，不過「綿羊仔」新季狀態麻麻，布里斯托城話晒都有份打上季升班附加賽，加上射手史堤芬布魯卡腳風正順，預料主隊可小勝晒三分，半場要0:0、1:0，全場1:0、2:1。
