奧運進行得如火如荼，歐洲主流聯賽呢個時候開鑼，對一班餓波一排球迷講，德甲今晚重開，當然係個好消息啦！我RITA亦都好開心，因為今季係連續第三個球季同東方讀者見面喇！今季我擴闊層面，實行幾線發展，今晚就用開鑼戰拜仁慕尼黑主場對漢堡1.85倍入球細作為見面禮啦！（有線足球台61周六凌晨2時30分直播）
上季表現飄忽，跣唔少捧場客拜仁，依家季初東尼同列貝利兩位主力都要養傷，咁實力咪大打折扣？對比季前熱身賽表現，拜仁無疑唔夠漢堡上心，但拜仁近五季開咧戰全勝，此紀錄必能增添球隊信心。
漢堡防線夠硬淨
拜仁今季轉由奇連士文執，幸好陣容變動唔大，唔使花時間磨合發揮自然好，加上球員質數超班，可睇高一線。
漢堡今夏人氣話題，就係中場靈魂雲達華治轉投皇馬，而搵查洛林做替補都是未嘗不可。漢堡走球員係中場居多，所以新帥祖爾就由弗賴堡搵兩名年輕勇將艾奧高及比度巴補數；艾奧高曾多次入選德國青年隊，比度巴更早前酋長盃顯示潛力，但畢竟球隊攻力有限，好彩防守一向唔錯，高柏尼亦都放下奧運賽事歸隊。
所以我RITA有信心，漢堡有能力頂住避免畀拜仁大炒，故今仗最好捧比主W好分入球細！
