講到買波膽，川崎前鋒今日主場迎戰磐田山葉，點都值得玩，因為前鋒出名有前冇後，最鍾意同人駁火開大比數波膽，晒各位刀仔鋸大樹，不過呢場我捧磐田，因為佢往績贏晒，近四次造訪川崎都贏得好輕鬆，「客其他」有100倍博得過！
前鋒防線傷兵多
近四場前鋒有三勝一和，但其實三人防線中，有寺田周平、井川祐輔兩個正選受傷，右翼衛森勇介亦繼續長抖，防線好易被攻破。
對家磐田近四次作客前鋒全勝，贏過3:2、4:3、2:0、5:1，反擊打法擺明食得住對方，加埋中場拉莫斯洛迪高、後防茶野隆行停賽後復出，隨時反彈炒鋪勁，「客其他」抵玩！
