要同足智彩四十五分鐘內分勝負，梗係要做足準備工夫，力奇都冇例外，除睇球隊人腳變動消息，更重要自然係睇球隊特性，今日我心水係場巴西波，敲冷博國際體育會半場勝，有3倍分頭。
客隊「半勝率」達五成
巴甲波打一半，夠晒數據畀我度波，華斯高呢支尾四球隊成績之所以咁差，皆因佢打法太過進取，要由頭攻到尾。上半季十九場波，佢只得兩場開出半場和，即係話搶得到就贏，搶唔到就輸，絕對唔會玩死守。
相對講，國體會前半季十九場有五成開得出半場勝，輸波只係得兩場。換句話講國體會上半場好難輸，華斯高就半場好難和，結合埋梗係揀國體會半場勝數啦！
