車路士今晚英超出擊，無敵史丹福橋迎戰樸茨茅夫牌面贏晒，首名入球梗要吼實車仔球員。杜奧巴仲未出得之下，史高拉利講明會畀安歷卡踢番最擅長正中鋒，以呢位法國射手季前勇態，絕對係今晚首球大熱之選。
安歷卡質素唔使懷疑，不過上季格蘭要佢踢翼鋒，就大大限制佢表現，好在史高拉利識貨，講到明要安歷卡踢正前鋒，仲話如果車仔今年要爭標，就要谷起唔多講安歷卡心中團火喎！
安歷卡講唔講就唔知，但佢季前熱身表現就真係夠晒火，對AC米蘭食出「大四喜」表現，證明佢絕對唔差得過杜奧巴，兩隊今年二月踢場聯賽，車仔就係由安歷卡玩謝樸茨茅夫後防拔頭籌，今晚再多鋪都唔奇。
首名入球
（日）15
102 安歷卡
