今晚英超繼續，Cowboy又有心水，咪就係阿士東維拉贏波囉！呢班波今季為圖圖盃一早開操，依家可以講操到弗晒，加上「雙艾」兩路快放，極富侵略性；曼城鬧前鋒荒，可唔可以破蛋都成問題！（now631台周日晚10:00直播）
放完暑假最驚球員未上力，但呢個問題今季絕對唔會發生阿士東維拉身上，事關佢為應付圖圖盃，七月頭已經頻頻進行熱身賽，依家成班球員可謂入晒局。
上季攻擊力排英超第
事實上，維拉上季表現已經冇得頂，成季聯賽喪入七十一球，僅次於曼聯同阿仙奴兩大班霸，當中梗係要提同我Cowboy一樣打翼艾舒利楊格同艾邦拉荷啦，兩個都有技術有速度，單係佢加埋英超已經入十九球，再加上維拉上季又比曼城高三位，呢鋪地頭出戰，照睇贏波冇乜難度！
何況曼城最近鬧前鋒荒，新買番祖奧去踢奧運，馬華路禾尼又長抖，仲有華素爾重傷抖十個禮拜，依家得番個「玻璃腳」保積洛夫可用，怪唔之得最近傳曉士想劈炮啦！曼城？你要埋我份啦！
