隨住英超正式開咧，「重炮手居食屋」亦首次面世，希望緊會為各位帶精選美點！奧運期間大家會話中國有力爭金，計我話韋斯咸今晚開咧戰主場鬥韋根亦有力三分，皆因主隊一班十字軍都相繼復出，實力同上季錘仔幫不可同日而語，主W要吼實！（now634台周六晚10:00直播）
韋根後防存隱憂
韋斯咸上季之所以僅列中游，最大原因都係有中後場好似柏加、法拔、保耶、艾法寧頓同迪雲樸等長期養傷，但佢現時全部傷愈復出，對成隊波中場組織以至防線都有好大提升。即使前鋒比拿美仲未出得，都有艾殊頓同卡頓高爾頂上，數胡方面唔使擔心。
至於韋根雖然近四場熱身賽全勝，不過當中對手只係烏德勒支同喜伯年等二三流球隊，戰績信唔過。如果有傷後舒卓拿趕唔切落場的話，就要用巴布爾頂上，但呢個後成日犯錯，隨時連累球隊失波，更重要係韋根近五季開咧戰只有一和四負，咁數據點信佢有分落袋呀？
