話咁快新一季英超聯賽又開鑼啦！今季朱楓會度主力推介總入球畀大家，是日心水有保頓對史篤城，保頓近年揭幕戰慣性開大，撞史篤城近期熱身賽亦有前冇後，呢場總入球四及五球絕對冷敲得過！
史篤城有前冇後
保頓一向畀人感覺都係守優於攻，但呢隊波近年揭幕戰卻經常開大，○一年大勝李斯特城五比○，○二同○三年就先後不敵富咸同曼聯一比四及○比四，到○四年又大勝查爾頓四比一，○五年同維拉打成二比二，到上季就不敵紐卡素一比三，大家唔難發現當中總入球離唔開四球同五球。
至於史篤城方面，呢支升班球隊季前熱身賽表現唔曳，最近兩場更先後以三比二贏修咸頓同打和奧沙辛拿二比二，咁總入球都係四球同五球，似乎已經話啟示畀大家！
總入球推介
史篤城
4、5球
