《太陽波經》新球季逢周末搞個Food Court，目的梗係幫大家搵食，安高都有個新檔口，叫《安高Cafe》，希望大家歎完杯咖啡，輕輕鬆鬆贏番錢先出街Happy啦！今日英超開咧安高有好料，愛華頓殘陣主場出戰布力般流浪，讓波唔穩陣，揀「讓球客勝」應該冇衰！（now632台周六晚10:00直播）
布力般新帥恩斯要威
人話巧婦難為無米炊，就好似我搞Cafe，入唔到好貨，冇隻靚咖啡豆，點沖杯好咖啡先？愛華頓領隊莫耶斯都一樣，暑假期間好料走晒，前鋒AJ安祖莊臣、中場兩個光頭佬卡斯利、加維臣統統走人，傷兵名單仲要有派拿同卡希爾兩個度，排十一個正選都有問題，點贏波？
客隊布力般新帥恩斯要威，梗會搏盡，新加盟門將羅賓遜又要求表現博翻身，再加埋前鋒辛達告魯斯卡士十足，安高信佢坐和望贏，受讓梗係抵買啦
