27/08/2008
文： 朱楓
隨住奧運結束，朱楓終於可以集中精神同大家研究波經。今日我會為大家分析日職場神戶勝利船對鹿島鹿角。勝利船今季主場成績唔曳，加上兩名射手專地頭入波，撞鹿角近況飄忽，要保不敗唔難，「讓球主勝」可小注！（now633台周三晚6:00直播）
雖然勝利船暫時聯賽排第九，但實情落後榜首紅鑽只有十分，唔係冇後上爭標機會，今晚主場對鹿角，戰意唔會差得去邊，何況佢今季主場成績唔錯，十一戰獲五勝三和三負，不敗率超過七成。值得一提係，勝利船一對箭頭李安度蒙迪拉同大久保嘉人主場出擊特別醒神，兩人加埋主場入九球，佔球隊主場六成入波，絕對係搶分最大本錢。
至於鹿角方面，呢支冕冠軍近況異常飄忽，最近五場只得一勝一和三負，而且場場都有失波，已經由榜首跌落第三，預計今場日本新進國腳守內田篤人仍然養傷未能復出下，勢難反彈，咪話和波，隨時輸埋亦唔奇！
