16/11/2008
文： 張志德
球員腳風是逆是順冇人可以估計得到，[被屏蔽广告]意甲球隊森多利亞就係最佳例子。季初幾場比賽都踢唔出水準，入球良機總係把握唔到。神童卡斯辛奴亦要等到第六輪聯賽先至「開齋」。而捱過呢段低沉期之後，森多利亞踢落有番生氣，上周中意盃人少打人多照贏安玻里。今晚主場對升班球隊萊切，鬼Sir相信今場主隊森多利亞可以乘勇再下一城，「主勝」可以放心捧場。（周日晚10時開賽）
除腳風唔順之外，傷兵問題嚴重亦令到森多利亞季初打唔出水準。但最近幾位進攻主力如貝路斯及邦拿索尼等人，全部都克服傷患困擾重新上陣，令球隊進攻層面更見廣闊，唔似得季初只集中卡斯辛奴一個身上。另外，因周中將舉行國際賽，森多利亞冇需要為歐洲賽而分心，對於球隊[被屏蔽广告]意甲爭勝亦有幫助。
卡斯辛奴穿針引線
對手萊切為求護級只守不攻，一招穩守突擊已經玩謝拉素以及[被屏蔽广告]AC米蘭。不過呢招唔係冇漏洞，原來萊切班後最怕細細粒兼且好扭得前鋒，上周畀[被屏蔽广告]AC米蘭攻入一球，就係因為細細粒柏圖走位夠刁鑽靈巧，避開晒萊切守再造就大師兄「細哨」入球。今次森多利亞又有個踢法類似卡斯辛奴，憑佢超卓腳法亦可撕破萊切防線，繼而為隊友製造到入球機會。森多利亞既有贏波板斧，萊切想死守求一分都幾難。
tips
本港至型足球明星，519入波功臣，現為有線電視台柱級資深講波佬，人稱鬼Sir。鬼Sir睇波有乜獨到見解，毫無保留話晒你知。
