17/11/2008
文： 重炮手
唔少人對列斯聯呢隊波都有情意結，但今晚捧佢足總盃首圈重賽，作客贏同屬英甲諾咸頓就唔關呢樣事，只係諾咸頓有一前一後兩大主將缺陣，點睇都唔夠砌，一於博列斯聯2.15倍[被屏蔽广告]客W！（now671台周二凌晨3:45直播）
雖然諾咸頓今場波有中場曲基刑滿復出，不過對球隊目前傷兵情況講只係杯水車薪，因為後度治同前鋒艾堅芬華都因傷無緣披甲，佢一個係隊長負責指揮防線調動，一個就係隊中神射手，依家唔出得對攻守打擊唔細。
相反，列斯聯靈魂人物碧克福特已經復出，要知道呢位前鋒今季唔同賽事已經為列斯聯射入十三球，配合近排腳風唔錯希陀盧斯安奴攻堅，相信要九十分鐘內擊敗諾咸頓出線應該唔係難事！
