19/11/2008
文： 亨格比利
聽朝有幾場世界盃中北美洲區外圍賽玩，當中以洪都拉斯對墨西哥第2組榜首戰最重要。墨西哥領隊艾歷臣最近畀人插到暈，今仗有乜差池隨時冇得撈，作客洪都拉斯料會以一分為目標保出線資格，平手盤宜捧質高墨西哥！（開賽時間：周四早上9:00）
睇番呢組形勢，包艇加拿大篤定出局，聽朝作客強陣牙買加凶多吉少，所以比牙買加僅多兩分洪都拉斯有一定壓力，主場對住墨西哥必定搶攻求勝。
美國試陣易失分
不過墨西哥連續兩場外圍賽失分之後，頭艾歷臣已遭球迷炮轟，今仗為保飯碗必定做番齣好戲。再講，墨國射手卡斯迪路同卡路士韋拿都係快速靈活球員，焗攻洪都拉斯空群而出隨時輸突擊，捧技高一籌墨西哥有數。
另外，美國已經第1組出線資格，隊長當路雲、米高巴特利同侯活等主將都冇入選，得番射手程拜仁飛，試陣味濃對住鬥心十足危地馬拉有失分危機，「讓球客勝」玩得過！
